Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Ինչո՞ւ էին նույն դերակատարները լուռ հետևում Արցախում էթնիկ զտումների իրականացմանը». Տիգրան Աբրահամյան

«Ինչո՞ւ էին նույն դերակատարները լուռ հետևում Արցախում էթնիկ զտումների իրականացմանը». Տիգրան Աբրահամյան
175
Երկուշաբթի, 16 հոկտեմբերի, 2023 թ., 22:48

ԱԺ «Պատիվ ունեմ» խմբակցության պատգամավոր Տիգրան Աբրահամյանը գրել է․ «Եվրոհանձնաժողովը հայտարարել է «ԵՄ հումանիտար օդային կամուրջ» գործողության մեկնարկի մասին՝ Գազա մարդասիրական օգնություն հասցնելու նպատակով։

Ես, իհարկե, դեմ չեմ Գազայի խաղաղ բնակիչների մարդասիրական իրավունքների պաշտպանությանը և այն, ինչը տեղի է ունենում վերջին օրերին, պարզապես մարդկային ողբերգություն է՝ երկուստեք հարյուրավոր զոհեր կանանց և երեխաների շրջանում:

Բայց ինչո՞ւ միջազգային դերակատարները հումանիտար միջանցք չէին գործարկում Արցախի 9-ամսյա շրջափակման ժամանակ, ինչո՞ւ էին նույն դերակատարները լուռ հետևում ադրբեջանական ագրեսիային և որպես հետևանք՝ Արցախում էթնիկ զտումների իրականացմանը:

Թե ինչ թշնամություն է գործել մեր ժողովրդի նկատմամբ հայաստանյան իշխանությունն, արդեն բոլորին է պարզ, բայց դա չի արդարացնում միջազգային խաղացողներին՝ իրենց անտարբերությամբ ու լռությամբ հարյուրավոր զոհերի և մարդկանց հայրենազրկմանը տանելու կամ այդ գործընթացին նպաստելու համար»:

Աղբյուրը`   Տիգրան Աբրահամյան