«Օրինաչափ էր, որ մեր տեսակը պարտվեց ադրբեջանցուն». Վահե Լոռենց

Պատմաբան, գրող, հրապարակախոս Վահե Լոռենցը ֆեյսբուքյան իր էջում գրել է. «Այս պատերազմը ոչ միայն ազգերի (հայ և ադրբեջանցի) միջև էր, այլև՝․․․ տեսակի՛ կռիվ էր։ Ցավոք, պարտվեցինք, և դա օրինաչափ էր։ Օրինաչափ էր, որ մեր տեսակը պարտվեց ադրբեջանցուն․․․
Քանզի աշխարհին Կոմիտաս ու Խաչատուրյան տված ազգը Սպիտակցի Հայկո, Թաթա ու Թաթուլ էր լսում, աշխարհին Նարեկացի տված ազգը Դոգ է լսում, համաշխարհային քաղաքակրթության արարողներից մեկը համարվող ազգը էսօր իր ինքնությունը ոչ թե իր նախնի Հայկի, այլ՝ օտար կրոնի հետ է կապում, բազմիցս խաբված ազգը իր ներսում խաբեությունը խելք ու հնարամտություն է համարում և խարդախությունը՝ օրինաչափություն․․․
Երկար կարող եմ թվարկել․․․
Ո՞ր մեկն ասեմ․․․ մենք պարտվեցինք տեսակի կռվում։ Եվ ցավն այն է, որ դա չենք ընդունում, քանզի մեր աղճատված ու խրոնիկ հիվանդ տեսակը իրենից վեր ոչինչ ունակ չէ նկատելու․․․ անգամ այս ծանր հարվածը մեզ չսթափեցրեց․․․»: