«Հրատարակության ենք ուղարկել մի նյութ, որը կոչվում է «Խաղաղության խաչմերուկ»». Փաշինյան

ՔՊ-ական պատգամավոր Արուսյակ Ջուլհակյանը, դիմելով ՀՀ վարչապետ Նիկոլ Փաշինյանին, հարց ուղղեց նրա՝ Եվրոպական խորհրդարանում ունեցած ելույթի վերաբերյալ. «Ելույթի ժամանակ Դուք, կարելի է ասել, նոր տերմին ներմուծեցիք շրջանառություն՝ խոսելով խաղաղության խաչմերուկի մասին, կխնդրեմ մանրամասնել»: Փաշինյանն ասաց՝ ըստ էության ոչ մի նոր բան չկա, բայց կարևոր էր այդ ամբիոնից որոշ պարզաբանումներ հնչեցնել. «Հիմա մենք հրատարակության ենք ուղարկել մի նյութ, բրոշյուր, որը կոչվում է «Խաղաղության խաչմերուկ», որտեղ արտահայտված են մեր պատկերացումները՝ տարածաշրջանային կոմունիկացիաների բացման ու խաղաղության խաչմերուկի հայեցակարգի մասին: Նյութը կկիսենք ցանկացողների հետ, նաև հոլովակ կլինի»,- նշեց վարչապետը՝ հավելելով, որ պատրաստվում են նախագիծն ուղարկել նաև միջազգային գործընկերներին: