«Կառավարության վաղվա նիստում կընդունվի համապատասխան որոշում». Նիկոլ Փաշինյան

«ԼՂ-ից բռնի տեղահանված մեր քույրերի ու եղբայրների իրավական կարգավիճակը շատ կարևոր թեմա է: Կառավարության վաղվա նիստում կընդունվի որոշում, որով նրանց կտրվի ժամանակավոր պաշտպանության կարգավիճակ»,- ԱԺ-Կառավարություն հարցուպատասխանի ժամին հայտարարեց ՀՀ վարչապետ Նիկոլ Փաշինյանը: «Մենք դա անում ենք՝ արձանագրելու համար նրանց փախստական լինելու հանգամանքը, որպեսզի և՛ տեղական, և՛ միջազգային առումով նրանց իրավունքները պաշտպանելու հնարավորություններն ընդլայնվեն»,- նշեց գործադիրի ղեկավարը՝ հավելելով, որ որոշումից հետո Արցախից բռնի տեղահանվածները կունենան հնարավորություն՝ դիմելու ՀՀ քաղաքացիություն ստանալու համար: