«Նախ ստեղծում են այլընտրանք և միայն հետո են դիմում ռիսկի և ոչ երբեք հակառակը». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ժողովուրդը, որ հազիվ էր հասցնում հոգալ իր կենցաղային խնդիրները, երբեք չի ների իր վիճակի շեշտակի վատթարացումը։ Ժողովուրդն առաջին հերթին մեղադրելու է իր իշխանությանը (իրավացիորեն), հետո առաջանալու է ցասում, որը զսպել այլևս չի կարող իշխանությունը և ստիպված կլինի կամ տեղի տալ ու հեռանալ, կամ տեղի տալ արտաքին ճնշումներին և ավելի ընկղմվել այն «գրկի մեջ», որից փախչում էր ու փախչելու արդյունքում երկիրը կանգնեցնում անկառավարելի ռիսկերի առաջ։
Եվ սա հաշվի են առնելու հատկապես արտաքին ուժերը, ու ըստ երևույթին արդեն իսկ հաշվի են առել։
Նախ կսահմանափակեն Հայաստան ներկրվող ռազմավարական ապրանքները հետո կբարձրացնեն դրանց գները և այլն։
Ու սա կբերի ներքին քաոս, ու պատճառը շատ պարզ է՝ նրանք, ովքեր պատասխանատու են այս ամենի համար, չեն հասկացել գլխավորը՝ նախ ստեղծում են այլընտրանք և միայն հետո են դիմում ռիսկի և ո'չ երբեք հակառակը։
Իսկ այլընտրանքը կամ գոյաբանական թշնամին է, կամ այն կողմը, որից փորձում ես փախչել։ Երկու դեպքում էլ թաղում ես քո ինքնիշխանությունը։ Այնինչ գուցե իմաստ ուներ ավելի խորագիտակ լինելու և նախ սեփական ենթակառուցվածքները դիվերսիֆիկացնել, զարգացնել սեփական տնտեսություն, տնտեսությունն էլ դարձնել տեխնոլոգիական, ստանալ շահագրգռվածություն բոլոր կողմերից և միայն հետո որոշել ընտրություն կատարելու մասին։
Իսկ քանի որ այս ամենը արված չէ, հիմա Հայաստանի համար իսկական ներքին աղետ են ստեղծել, որը դեռ չի դրսևորվի, մինչ այն պահը, երբ կորոշեն սեղմել «ճնշման կոճակը»»: