Արցախի քաղաքական և ռազմական գործիչները սոցիալական ծանր խնդիրների առջև են կանգնել․ «Հրապարակ»

«Հրապարակ»-ը գրում է. «Արցախի քաղաքական և ռազմական գործիչների մի խումբ սոցիալական ծանր խնդիրների առջև է կանգնել։ Խոսքը հատկապես Արցախի ԱԺ պատգամավորների, նախարարների և բոլոր այն պաշտոնյաների մասին է, որոնք դե ֆակտո պահպանում են իրենց պաշտոններն ու կարգավիճակը, բայց չեն վարձատրվում, քանի որ Նիկոլ Փաշինյանը հրաժարվում է աշխատավարձ տալ և սառեցրել է Արցախի պետական հաստատություններին հատկացվելիք բյուջեն։ Մի կողմից, քաղաքական ֆակտորը՝ Արցախի պետական ինստիտուտները չլուծարելու հետ կապված, մյուս կողմից՝ պետական ոչ բավարար աջակցությունը, ծանր կացության առաջ են կանգնեցրել տեղահանվածներին:
Նրանք չեն կարող նոր աշխատանքի անցնել Հայաստանում, դրանով կփաստեն, որ հանձնվում են, պահանջատեր չեն ԱՀ պետական ինստիտուտները պահելու հարցում, բայց պետության տրամադրած գումարները չեն բավարարում տան վարձակալության և համեստ կենցաղի համար։ Ի դեպ, որոշ համակարգերում, մասնավորապես՝ ոստիկանությունում, արցախցիներին աշխատանքի չընդունելու պաշտոնական բացատրություններից մեկն էլ այն է, որ նրանք ՀՀ քաղաքացիներ չեն: Թեև բոլորն ունեն կապույտ անձնագիր, ու տարբերությունը միայն գրանցման վայրն է»:

Մանրամասները՝ թերթի համարում: