«Փաշինյանի անձնական բոստան Հայաստանն այս անգամ էլ քվեարկում է Մոսկվայի թելադրանքով». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրում է. «Հայաստանը ՄԱԿ-ում, ըստ էության, ուղղակիորեն քվեարկել է Իսրայելի դեմ:
Իսրայելի ԱԳ նախարարը խստագույն բողոք է հայտնել Գազայում հրադադարի կոչի օգտին բանաձևի դեմ՝ ասելով թե դրանով փորձ է արվում իրենց թույլ չտալ արմատախիլ անել ՀԱՄԱՍ-ին՝ Գազայում գործող փաստացի Իսլամական Պետությանը:
Փաշինյանի անձնական բոստան Հայաստանը այս հարցում էլ բռնում է Մոսկվայի պրոհամասյան կողմը և քվեարկում Մոսկվային զուգահեռ ու նրա թելադրանքով:
Եվ երբ շատ շուտով Ադրբեջանը կստանա իսրայելական նոր հուժկու ու հսկա զենքի խմբաքանակ ու կկիրառի այն Հայաստանի գրավման օպերացիայի ժամանակ՝ Նիկոլ Փաշինյանի անձնական բոստանի բադրիջանները պետք է միայն իրենց մեղադրեն:
Բադրիջանային ու բադրիջանների հանրապետություն՝ նախկին Հայաստան»։