«Եթե հայկական իրականության մեջ կա մի քարտեզ, որտեղ չկա Արցախ, դա կեղծ քարտեզ է»․ Աբրահամ Գասպարյան

Լրագրող, քաղաքագետ Աբրահամ Գասպարյանը 168TV-ի եթերում խոսելով ՀՀ կառավարության ներկայացրած «Խաղաղության խաչմերուկ» նախագծի մասին՝ ասել է, որ «Խաղաղության խաչմերուկ» ասվածն ընդամենը փաթեթավորում է․ «Եթե հայկական իրականության մեջ կա մի քարտեզ, որտեղ չկա Արցախ, ուրեմն դա կեղծ քարտեզ է, որևէ աղերս չունի հայկական իրականության հետ։ Սա ոչ թե «Խաղաղության խաչմերուկ» է, այլ անիրատեսական, միֆականացված ցանկությունների թուղթ, որտեղ իշխող ուժի գլխավոր ներկայացուցիչը փորձում է ապացուցել, որ 12 սահմանադռներ բացելով հարևանների հետ՝ 4-ը Վրաստանի, 1-ը Իրանի և 8-ն Ադրբեջանի ու Թուրքիայի հետ, հնարավոր է հասնել խաղաղության ու տարածաշրջանում կոմունիկացիների ապաշրջափակումը հասցնել այնպիսի իրավիճակի, որ բոլորը գնան, գան, առևտուր անեն»,- նշել է Գասպարյանը՝ հավելելով, որ նման ենթակառուցվածքներ ստեղծելը բավականին ծախսատար է ու հայտնի չէ՝ գումարն ովքեր են տալու։