«Պատերազմը զորքի ու զենքի մասին չի, պատերազմը կառավարման ու լոգիստիկայի մասին է». Արմեն Աթալյան

Լրագրող Արմեն Աթալյանը ֆեյսբուքյան իր էջում գրել է. «X զորամասից Y զորամաս տեղափոխվում ա ռազմամթերք: Քանի որ ռազմամթերքն ըստ անհրաժեշտության ում որ հարկն ա արագ հասցնելու խնդիր ա լինելու, չի բեռնաթափվում, մնում ա բեռնատարում, որը ծառայում ա, որպես պահեստ: Խնդիրն էն ա, որ բեռնատարը դեռ մեկ տարի առաջ վնասվել ա թշնամու արկերից ու ծածկող տենտը դարձել ա փլավքամիկ ու չի փոխվել: 1-2 օր տևած անձրևից հետո բեռնատարի ներսում բացված ցինկերը ողողվում են ջրով ու դե պատկերացնում եք փամփուշների վիճակը: Իսկ երբ վերջապես անհրաժեշտ ա լինում ռազմամթերքը տեղափոխել, պարզվում ա, որ փլավքամիկ-բեռնատարը խոդի չի ընկնում, փչացել ա:
Պատերազմը զորքի ու զենքի մասին չի, պատերազմը կառավարման ու լոգիստիկայի մասին ա: Էս հիշեք, երբ հերթական լոլոները կլսեք անցած պարտությունների մասին»: