«ՀՀ տարածքից քանի՞ քառակուսի կիլոմետր է օկուպացված Ադրբեջանի կողմից»․ հարց՝ Միրզոյանին

Բյուջետային քննարկման ժամանակ ընդդիմադիր խմբակցության պատգամավոր Քրիստինե Վարդանյանը, ի թիվս այլ հարցերի, ՀՀ ԱԳ նախարար Արարատ Միրզոյանից հետաքրքրվեց՝ 2023թ․ նոյեմբերի 3-ի դրությամբ, ՀՀ տարածքից քանի՞ քառակուսի կիլոմետր տարածք է օկուպացված Ադրբեջանի կողմից։ «Մենք դեռ 90-ականներից ունենք Ադրբեջանի տակ գտնվող տարածք և ունենք նաև թարմ օրինակներ․ ինձ հայտնի է ՀՀ շուրջ 200 քառ․ կմ էդպիսի տարածք, որը հիմա գտնվում է ադրբեջանական ուժերի ներքո»,- արձագանքեց Միրզոյանը։