«Կա քաղաքականություն և «շմայսություն»»․ Հակոբ Բադալյան

Քաղաքակեն մեկնաբան Հակոբ Բադալյանի ֆեյսբուքյան գրառումը. «Հայաստանի ԱԺ մեծամասնության պատգամավորն ասում է՝ թող Զախարովան մի երկու բաժակ ավելի խմի ու գնա քնի:
Հարցն այն չէ, թե ինչո՞ւ է բան ասում Զախարովային: Լավ է անում: Ընդ որում, նույնիսկ էական էլ չէ՝ արդարացի է ասում, թե ոչ: Կարող է և բան ասել ոչ արդարացի: Նա քաղաքական գործիչ է և կարող է տալ իր քաղաքական գնահատականը, եթե անգամ այն այսպես ասած արդարացի չէ:
Բայց, ամբողջ հարցն այն է, որ Հայաստանի խորհրդարանի ուժը պետք է լինի քաղաքական գնահատականը, քաղաքական տեքստը, քաղաքականությունը: Զախարովային և որևէ այլ մեկին պետք է որևէ բան ասել քաղաքական թեկուզ ամենասուր տեքստով ու բովանդակությամբ, բայց՝ քաղաքական:
«Շմայսությունը» շմայսություն է, անկախ նրանից Հայաստանի ներքին հասցեատիրոջ է ուղղված, թե՞ արտաքին, ներքին թեմաների է առնչվում, թե աշխարհաքաղաքական:
Չկա օգտակար և ոչ օգտակար, կամ «շնորքով» և անշնորք «շմայսություն»: Կա քաղաքականություն և «շմայսություն»»։