Ռյազանում բեռնատար գնացքի 19 վագոն դուրս է եկել ռելսերից

1588

Շաբաթ, 11 նոյեմբերի, 2023 թ., 15:18

ՌԴ Ռյազանի շրջանում հանքանյութ տեղափոխող գնացքի 19 վագոն դուրս է եկել ռելսերից, այս մասին հայտնում է Մոսկվայի երկաթուղին։ «Վաղ առավոտյան, երկաթուղային տրանսպորտի շահագործմանը՝ կողմնակի անձանց միջամտության հետևանքով, ռելսերից դուրս է եկել բեռնատար գնացքի 19 վագոն»,- պարզաբանել են կազմակերպությունից։ Միջադեպի հետևանքով բնապահպանական վտանգ չկա։ Նշվում է, որ հնարավոր կազմակերպիչների որոնողական աշխատանքներ են իրականացվում։