«Քանի դեռ աշխարհաքաղաքական իրավիճակն անկայուն է, ՀՀ-ում պատերազմի վտանգ միշտ էլ կա»․ Արմեն Պետրոսյան

Տարածաշրջանի հարցերով փորձագետ Արմեն Պետրոսյանը «Շանթ»-ի եթերում խոսել է Ադրբեջանի՝ Հայաստանի Հանրապետություն ներխուժման վտանգի մասին, (ըստ Լեմկինի ցեղասպանության ինստիտուտի տարածած տեղեկության), նշել է, որ քանի դեռ լուծված չեն Ադրբեջանի և Հայաստանի միջև եղած խնդիրները և աշխարհաքաղական վիճակը շարունակում է մնալ անկայուն, վտանգը միշտ էլ կա․ «Քանի դեռ աշխարհաքաղաքական իրավիճակը շարունակում է մնալ անկայուն, քանի դեռ գլոբալ խաղացողների միջև խնդիրները չեն լուծվել, չկա ուկրաինական ճգնաժամի հանգուցալուծում և քանի դեռ Ադրբեջանը չի լուծել իր խնդիրները Հայաստանի հետ, այդ հնարավորությունը միշտ էլ կա։ Հիմնական հարցը ժամանակահատածն է, թե երբ կարող է հերթական էսկալացիան տեղի ունենալ»: Անդրադառնալով Ադրբեջանին զսպելու մեխանիզմներին՝ Արմեն Պետրոսյանը նշել է․ «Կա մեխանիզմ իհարկե. արևմտյան դերակատարների, Իրանի և ՀՀ գործողությունների անկանխատեսելիությունը Ադրբեջանի համար։ Այսինքն, եթե Ադրբեջանը դեռևս չունի պատկերացում, թե Հայաստանը ի՞նչ մասշտաբով կպաշտպանի սեփական տարածքը։ Քանի դեռ չկան հստակ հաշվարկներ, Ադրբեջանի նախագահը միամիտ չէ, որ նախաձեռնի մի գործողություն, որը կարող է ավելի մեծ գին ունենալ իր համար»։