«Արևմուտքի հետ խաղեր եք տալիս, Պարսկաստանը ձեզ պիտի գազ տա՞». Շարմազանով

ՀՀԿ Գործադիր մարմնի անդամ Էդուարդ Շարմազանովը Սերժ Սարգսյանի և մյուսների գործով դատական նիստից առաջ պատասխանելով լրագրողի հարցին, թե ՀՀ-ն կարո՞ղ է միակողմանի հրաժարվել միջազգային պայմանագրերից, և անդրադառնալով Հայաստանի՝ Ռուսաստանի հետ ունեցած հարաբերություններին, նշել է. «Ամեն ինչ էլ հնարավոր է՝ դաշինքից դուրս գալ էլ, արտադաշինքային կարգավիճակ ունենալ էլ, բայց դրա հետևանքները պատկերացնո՞ւմ են։ Հնարավոր է ատոմային պետությանը պատերազմ հայտարարել, տղայություն անել, բայց հետո էդ ջարմեն քաշի հայ ժողովուրդը։ Ես ուզում եմ Արմեն Գրիգորյաններին, Նիկոլ Փաշինյանին, իրա սաղ էդ խմբակին հարց ուղղել․ կարո՞ղ եք գոնե մեկ պլյուս ասել, որի արդյունքում հայ-ռուսական հարաբերությունների խզումը, Ռուսաստանի հետ դաշինքի խզումը օգուտ կտա Հայաստանի Հանրապետությանը և հայ ժողովրդին։ Ես կարող եմ հազար հատ մինուս ասել՝ տնտեսականից մինչև անվտանգային»։ Անդրադառնալով ռուսական գազի այլընտրանքային տարբերակին՝ մասնավորապես Իրանից գազ գնելուն, նշել է․ «Դուք Արևմուտքի հետ խաղեր եք տալիս, Պարսկաստանը ձեզ պիտի գազ տա՞»։