«Վարչապետ կոչվածը Կառավարության նիստի ժամանակ քաղաքական հրահանգ է տալիս». Աննա Մկրտչյան

ՀՀԿ փոխնախագահ Արմեն Աշոտյանի գործով դատական նիստից առաջ ԱԺ «Պատիվ ունեմ» խմբակցության պատգամավոր Աննա Մկրտչյանը պատասխանել է լրագրողների հարցերին. «ՀՀ-ում բռնաճնշումների շղթան փակվել չի կարող էնքան ժամանակ, քանի դեռ Հայաստանի իշխանազավթումն իրականացվել է և էդ իրականացումը, բացի իշխանազավթման հանցակազմից, ներառում է իր մեջ նաև պետական դավաճանության հանցակազմ։ Ես իսկականից էլ չգիտեմ իրավապահ մարմինների, հեղինակազրկված ԱԱԾ-ի ու նմանատիպ բոլոր կառույցների հետ ինչպես խոսել։ Երևի Նիկոլը ճիշտ ա, գիտե՞ք, որ ասում ա՝ վնգստացողներ, պատերի տակ ծվարածներ. փաստորեն գիտի իրենց հետ խոսալու ձևը։ Փաստորեն, որ էդ մարդկանց հետ խոսում ես օրենքից, օրինականությունից, իրանք դիսկոմֆորտի մեջ են ընկնում։ Ակնհայտ ա, որ մեր երկրի իրավապահ համակարգը զբաղված ա մի բանով․ Նիկոլի դեմ խոսող մարդկանց, Նիկոլի դեմ արդարացի քննադատություն հնչեցնող մարդկանց վախեցնել, քաղաքական հետապնդումների ենթարկել, հալածանքները էնքան ուժեղացնել, որ մարդիկ ասեն՝ դե մեզ պետք ա՞ էս ճշմարտությունը»,- ասել է Մկրտչյանը՝ պատասխանելով հարցին՝ ՀՀ-ում բռնաճնշումների շղթան ե՞րբ կփակվի:

Անդրադառնալով Կառավարության այսօրվա նիստի ժամանակ ՀՀ վարչապետ Նիկոլ Փաշինյանի հայտարարությանը՝ ասել է. «Վարչապետ կոչվածը քաղաքական հրահանգ է տալիս Կառավարության նիստի ժամանակ: Ասում ա՝ լավ ա, որ հիսունին, հարյուրին կալանավորել եք, ինձ դատավճիռ ա պետք, դատավճռով դրանց կալանավորեք, պետք չի, որ կալանքը խափանման միջոց լինի, կալանքով պատժեք միանգամից»: