«Ես գիտեմ՝ ինչ եմ անում, ոնց եմ անում». Արշակ Կարապետյան

Պաշտպանության նախկին նախարար Արշակ Կարապետյանը, ով հայտարարել է քաղաքականություն մտնելու մասին, տեսակապով պատասխանել է լրագրողների հարցերին. «Ես ազատ քաղաքացի եմ, այսօր Մոսկվայում եմ, կուզեմ վաղը Նյու Յորքում կլինեմ: Ես միշտ եղել եմ անկախ, ոչ մեկի համար չեմ ծառայել՝ բացի իմ երկրից: Ես հաստատ գիտեմ՝ ինչ եմ անում, ոնց եմ անում, ուր եմ գնում ու հաստատ գիտեմ՝ կարողանալու եմ օգնել մեր ժողովրդին՝ պետականությունը պահպանելու ու զարգացնելու համար»,- ասել է նա:

Ավելի վաղ հայտնի էր դարձել, որ ազատամարտիկ Գևորգ Գևորգյանն ու Արշակ Կարապետյանը շարժում են սկսում. առաջիկայում ներկայացնելու են Հայաստանի փրկության ու զարգացման իրենց ծրագիրը: «Վստահ եմ՝ կարող ենք մեր հարաբերությունները վերականգնել մեր ռազմավարական գործընկեր, դաշնակից ՌԴ-ի հետ: Քննարկումներն ու հանդիպումները պետք է արվեն ո՛չ այս իշխանության ղեկին նստածների շնորհիվ. սրանք մեր երկիրը տանում են թուրքական լծի տակ»,- ասել է Գևորգյանը: