«Այո, ես ինձ համարում եմ ռևանշիստ». Տավուշի թեմի առաջնորդ

«Այո, ես ինձ համարում եմ ռևանշիստ և այդպես եմ ապրելու մինչև կյանքիս վերջին վայրկյանը»,- կիրակնօրյա իր քարոզի ժամանակ ասել է Տավուշի թեմի առաջնորդ Բագրատ Արքեպիսկոպոս Գալստանյանը: «Այն որևէ կերպ ուղղված չէ կողոպտելու մեր կյանքը՝ թե՛ հոգևոր, թե՛ բարոյական, թե՛ ֆիզիկական իմաստով, այն ուղղված չէ անընդհատ ծնկած, սողալով ման գալուն, այլ հակառակը՝ վեր կանգնելուն ու Տիրոջ առջև կանգնած լինելով ասելուն՝ ավելացրու իմ հավատքը, որպեսզի կարողանում քո գործը կատարել այս երկրի վրա: Մենք այդպես պետք է մտածենք, որ մենք Աստծո գործն ենք կատարելու այս երկրի վրա՝ արդարության, ճշմարտության, փրկության վերահաստատում: Այո՛, այդ ճանապարհը վրեժի ճանապարհն է, ուրիշ ի՞նչ ճանապարհ կա տունը վերականգնելու»,- նշել է նա: