«Չկա ծանրագույն խնդիրների պատասխանատվությունը Նիկոլ Փաշինյանից «վերցնելու» իրական ցանկություն». Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը՝ կից տեսանյութով. «Իշխանություն ստանալու համար՝ լինի ընտրության միջոցով, թե «արտաընտրական» որևէ այլ ճանապարհով, նախ պետք է ձևավորել իշխանություն:
Այս միտքն արտահայտել եմ նաև օրերս՝ հաղորդման ընթացքում:
Ավելին, ընտրությունը մեծ հաշվով իշխանություն ձևակերպելու, ոչ թե ձևավորելու գործընթաց է, լինի հերթական, թե արտահերթ: Հայաստանում այսօր չկա ոչ միայն ձևավորված այլ իշխանություն, որը կհավակնի հանրային ճանաչման, ըստ այդմ՝ իշխանափոխություն իրականացնելու, այլ նույնիսկ չի նկատվում դրան ուղղված համակարգային ու հետևողական աշխատանք:
Պատճառները բազմազան են, բայց երկուսն, ըստ իս՝ առանցքային. չկա այդ աշխատանքի կարողություն, կամ չկա ներկայիս համաշխարհային անցումային փուլից բխող ծանրագույն խնդիրների պատասխանատվությունը Նիկոլ Փաշինյանից «վերցնելու» իրական ցանկություն»: