«Ուկրաինային ենք փոխանցել այս տարվա վերջին տրանշը՝ 1,5 մլրդ եվրոյի չափով». Ուրսուլա ֆոն դեր Լայեն

Եվրոհանձնաժողովն Ուկրաինային է փոխանցել 2023 թվականի մակրոֆինանսական օգնության վերջին տրանշը՝ 1,5 մլրդ եվրոյի չափով: Այս մասին հայտարարել է Եվրոհանձնաժողովի ղեկավար Ուրսուլա ֆոն դեր Լայենը:

«Այսօր մենք Ուկրաինային վճարել ենք 2023 թվականի համար օգնության փաթեթի վերջին 1,5 միլիարդ եվրոն»,- գրել է նա՝ X-ի իր էջում:

Ավելի վաղ հայտնել էինք, որ Հունգարիան Բրյուսելում կայացած գագաթնաժողովում արգելափակել է ԵՄ-ի՝ 2024-2027 թվականների բազմամյա բյուջեի ավելացումը, ներառյալ 50 միլիարդ եվրոն՝ Կիևին մակրոֆինանսական օգնության համար: