«Ալիևի խոսնակը ներկայացրել է Ադրբեջանի առջև դրված «2 ռազմավարական խնդիրները»». Տաթևիկ Հայրապետյան

ԱԺ նախկին պատգամավոր, ադրբեջանագետ Տաթևիկ Հայրապետյանի ֆեյսբուքյան գրառումը. «Ադրբեջանի բռնապետի հայտնի խոսնակներից մեկը՝ նախկին արտգործնախարար Թոֆիգ Զուլֆուգարովը հետևյալ գրառումն է անում (ներկայացնում եմ բառացի թարգմանությունը)․
«Ադրբեջանի առջև երկու ռազմավարական խնդիր կա՝
– ապահովել արտատարածքային հաղորդակցությունը պետության երկու մասերի՝ Արևելյան Զանգեզուրի և Նախիջևանի միջև.
– ապահովել մուտք դեպի հարավային Կովկասի ամենամեծ քաղցրահամ ջրամբարի՝ Գոյչա լճի արևելյան ափ:
«Բոլշևիկների նվերները Հայաստանին պետք է բոլշևիկների հետ միասին նետել պատմության աղբանոցը...»,- նշել է Զուլֆուգարովը։
Զուլֆուգարովը ինչ ասում է, համարեք դա Ալիևի մտքինն է, բազմաթիվ անգամներ նրա խոսքին հաջորդել են կոնկրետ քայլեր, դրա համար էլ նրա ասածները հաճախ եմ տեղադրում։
Հիմա ձկնաբույծների ակցիան տեսնում եմ, ասում եմ կարո՞ղ է կպնեն մեզ՝ «Զանգ»-ին, մինչև տարվա վերջ համ Փաշինյանին հանենք, համ էլ Սևանը փրկենք»: