Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Սրանց «խաղաղություն»-ից պատերազմի հոտ է գալիս». Էդգար Ղազարյան

«Սրանց «խաղաղություն»-ից պատերազմի հոտ է գալիս». Էդգար Ղազարյան
181
Հինգշաբթի, 28 դեկտեմբերի, 2023 թ., 10:24

Հասարակական, քաղաքական գործիչ Էդգար Ղազարյանը լուսանկար է տարածել իր էջում՝ կից գրառմամբ. «Պատերազմ, մահ, ավերածություններ, հայրենակործանում, գաղթ, ցեղասպանություն փաստացի բերած պատուհասների «խաղաղության դարաշրջանում» կնքվելիք «խաղաղության պայմանագրով» բացվելիք «խաղաղությսն խաչմերուկի» կապակցությամբ կազմակերպված «խաղաղության ճաշից» պատերազմի գարշելի հոտ է գալիս։
Թող Աստված խաղաղություն պարգևի այս «խաղաղությունը» բերողների հոգիներին, որից հետո կհաստատվի իսկական խաղաղություն մեր երկրում ու մեր կյանքում։
Սպասենք Սուրբ Ծննդյան բարի Ավետիսին, որն իր Սուրբ ծննդով կազդարարի հաղթանակը չարի և մահվան դեմ։
Հ.Գ. Այս նկարը պետք է իր արժանի տեղը գտնի հայ ժողովրդի պատմության թանգարանի «Դավաճանություն» բաժնում։ Այն լավագույնս է արտահայտում հայ ժողովրդի պատմության այս ամոթալի շրջանի գլխավոր դերակատարներից մեկի ցինիզմը, լկտի անտարբերությունը՝ իր ստեղծած վշտի, ցավի և կորուստների հանդեպ, սանձարձակությունը, հազարավոր երիտասարդների արյան վրա ստեղծված կեղտոտ վայելքներն ու ժողովրդի հանդեպ ատելությունն ու արհամարհանքը»:

Աղբյուրը`   Էդգար Ղազարյան