«Ամերիկյան վերլուծական կառույցի ուշագրավ հետազոտությունը»․ Հ․ Նահապետյան

Լրագրող Հայկարամ Նահապետյանը ֆեյսբուքյան իր էջում գրել է. «Ուշագրավ հետազոտություն է իրականացնում ամերիկյան CATO վերլուծական կառույցը։ Իրենք գնահատում են, ամերիկյան զենքի մատակարարման ռիսկայնությունն օտար երկրներին։ Որքան կոռումպացված, բռնապետական, անկայուն ու կոնֆլիկտային է երկիրն, այնքան բարձր է ռիսկի ցուցիչը։
Այս պահին տեսանելի են 2018-ից 2021-ի տվյալները։ Երեկ ավարտված 2022-ը դեռ չեն ամբողջացրել։
Թուրքիան 74 ցուցիչով բնութագրվում է որպես զենք մատակարարելու ամենառիսկային երկրներից մեկը։ Ծավալի առումով Թուրքիան ամերիկյան զենք ստացող top 25 երկրների ցանկում է Անգլիայի, Պակիստանի, Իսրայելի կողքին։ Այս 25-ի մեջ թուրքերը 2րդ վատթարագույն ցուցանիշն ունեն Սիրիայից հետո։
Ադրբեջանը 2018-ին 61-էր, հիմա՝ 70: Մենք այդ ընթացքում 46-ից իջել ենք 41, թեև 2021-ին, նախորդ տարվա համեմատ 2 կետով աճել է ռիսկայնությունը»։