«Մի ձեռքբերում կար՝ ուղերձը ներկայացվեց հայերեն լեզվով». Էդգար Ղազարյան

Հասարակական, քաղաքական գործիչ Էդգար Ղազարյանն այսօրվա ասուլիսի ժամանակ անդրադառնալով վարչապետ Փաշինյանի ամանորյա ուղերձին՝ ասել է. «Ոչ մի խոսք չասաց Արցախը թշնամուն հանձնելու, Ադրբեջանի կողմից էդ հանցագործությունն իրականացնելու ու դա դատապարտելու մասին: 2023-ն սկսվել էր Ազատ գյուղի զինվորական կացարանում ՀՀ բանակի պատմության մեջ ամենամեծ ողբերգությամբ: Տարին ամփոփող իր ուղերձում ոչ մի խոսք չկա զոհվածների հարազատներին մխիթարանքի իմաստով: Մենակ տնտեսական աճ ու աշխատավարձ: Մի ձեռքբերում կար ընդամենը, որ ուղերձը ներկայացվեց հայերեն լեզվով, որովհետև հանուն խաղաղության՝ միգուցե պետք է հնչեր ադրբեջաներեն կամ սինխրոն թարգմանությամբ, բայց ներկայացվեց հայերեն»,- նշել է Ղազարյանը: