«Եվրոպան միայն կշահի Ադրբեջանի և Հայաստանի միջև խաղաղության պայմանագրի ստորագրումից». Ալիևի ներկայացուցիչ

Եվրոպան միայն կշահի Ադրբեջանի և Հայաստանի միջև խաղաղության պայմանագրի մոտալուտ ստորագրումից: Այս մասին Էստոնիայի հանրային հեռուստատեսությանը տված հարցազրույցում ասել է Ադրբեջանի նախագահի՝ հատուկ հանձնարարությունների գծով ներկայացուցիչ, դեսպան Էլչին Ամիրբեկովը:

«Կցանկանայի դիմել ԵՄ երկրներին, որպեսզի նրանք աջակցեն Ադրբեջանի ձգտմանը՝ որքան հնարավոր է շուտ ավարտել խաղաղ գործընթացը և համաձայնեցնել Հայաստանի հետ խաղաղության համաձայնագիրը։ Դա թույլ կտա շրջել թշնամանքի էջըք: Եվ կցանկանայի խնդրել զերծ մնալ ցանկացած գործողություններից և հայտարարություններից, որոնք կարող են վնասել այդ հեռանկարին»,- ասել է Ամիրբեկովը: