«Շոուի պահով Փաշինյանը միշտ առաջ է ընդդիմությունից»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Խորհրդարանում ընդդիմությունը Նիկոլ Փաշինյանին սուր հարցեր տալով ի՞նչ հարցեր է լուծում, հույս ունի՞, որ այդ հարցերից հետո Նիկոլ Փաշինյանը հրաժարական է տալու, ցանկանո՞ւմ է Ժողովրդի համար բացահայտել նրա էությունը։ Այս հարցուպատասխանը հայկական հեռուստասերիալ է հիշեցնում՝ երկար ու անիմաստ։ Ընդդիմությունը խորհրդարանում ոչ մի լծակ չունի օրենքներ ընդունելու կամ ոչ ցանկալի օրինագծերի ընդունումը կանխելու համար։ Այս պայմաններում ընդդիմությունը ի՞նչ կարող է անել խորհրդարանում իր ներկայությունն ընտրողների աչքում արդարացնելու համար՝ հարցերով շոու սարքել։ Սակայն Նիկոլ Փաշինյանը շոուի պահով միշտ առաջ է ընդդիմությունից։ Այս ամենը զվարճալի կլիներ, եթե Հայաստանի վիճակն այսքան աղետալի չլիներ, երկրի առջև ծառացած մարտահրավերներն այսքան մեծ չլինեին»։