«Հորդորում եմ ՆԳՆ-ին, ԱԱԾ-ին ու ՔԿ-ին՝ ԲԴԽ նախագահի գրառման հիման վրա հարուցել քրեական վարույթ». Գևորգ Պետրոսյան

ԱԺ նախկին պատգամավոր Գևորգ Պետրոսյանն անդրադարձել է ԲԴԽ նախագահ Կարեն Անդրեասյանի ֆեյսբուքյան գրառմանը՝ նշելով հետևյալը. «Հարց. ովքե՞ր են անազատության մեջ պահել բիզնեսը, այսինքն՝ ումի՞ց են ազատագրվել գործարարները, ո՞ր գործարարը ինչքա՞ն գումար և ո՞ր սև արկղին է վճարել: Խնդրում եմ ՆԳ նախարարին, ԱԱԾ տնօրենին և ՔԿ նախագահին՝ հետևողական լինել այս հայտարարությանը, և ԲԴԽ նախագահի գրառումն ընդունել որպես հանցագործության մասին հաղորդում ու նախաձեռնել քրեական վարույթ»:

Հիշեցնենք՝ Կարեն Անդրեասյանը ֆեյսբուքյան իր էջում գրել էր. «Հայաստանում բիզնեսն ազատագրված է: Գործարարները բացի բյուջե վճարելուց, ոչ մի սև դրամարկղ չեն մուծվում, իսկ պաշտոնյաները սեփական բիզնեսի հաջողության համար հարկային, մաքսային, դատական կամ այլ հետապնդում չեն կազմակերպում մրցակից գործարարների դեմ»: