«Մեր երկրին խանգարող հանգամանքը ոչ թե Սահմանադրությունն է, այլ՝ գործող իշխանությունը». Գառնիկ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանը «Հայելի» ակումբում ասուլիսի ժամանակ անդրադառնալով վարչապետ Նիկոլ Փաշինյանի՝ նոր Սահմանադրության անհրաժեշտության մասին հայտարարությանը, նշել է, որ այս իշխանությունը չի պաշտպանում ժողովրդի շահերը. «Էսօր մեր երկրին խանգարող հանգամանքը ոչ թե Սահմանադրությունն է, այլ՝ գործող իշխանությունը, որն ամենամեծ սպառնալիքն է թե՛ հայ ժողովրդի, թե՛ մեր երկրի, թե՛ մեր պետականության համար: Նոր Սահմանադրության մասին այս իշխանության օրոք խոսք լինել չի կարող, որովհետև այդ Սահմանադրությունը չի լինելու հայ ժողովրդի համար, այլ լինելու է այն պահանջներով, որը ներկայացվելու է թուրք-ադրբեջանական տանդեմի կողմից»: