«Ակնկալվում է, որ ԱԱԾ-ն Վերաքննիչ դատարան կդիմի». Ռուբեն Մելիքյան

Ինչպես ավելի վաղ հայտնել էինք, Վարչական դատարանը բավարարել է ՀՅԴ Բյուրոյի անդամ, Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանի և ՀՅԴ Հոլանդիայի Հայ դատի գրասենյակի պատասխանատու Մասիս Աբրահամյանի դատական հայցերն ընդդեմ ՀՀ ԱԱԾ-ի՝ պարտավորեցնելով ԱԱԾ-ին Մուրադ Փափազյանի և Մասիս Աբրահամայանի վերաբերյալ տվյալները հանել ՀՀ տարածքում անցանկալի համարվող օտարերկրացիների տվյալների բանկից։

«Իհարկե ակնկալվում է, որ ԱԱԾ-ն բավարարված չի լինի և առաջ կգնա՝ Վերաքննիչ դատարան կդիմի, բայց մի փոքր հույս, ամեն դեպքում, պահում եմ, որ խորապես ծանոթանալուց հետո, ԱԱԾ-ն կփորձի լուծումներ գտնել այս իրավիճակների համար»,- այսօրվա ասուլիսի ժամանակ հայտնել է փաստաբան Ռուբեն Մելիքյանը: