«Հերիք է հակառակորդի մոտ այսքան արժեզրկեք մեզ, մեր երկիրը, մեր պայքարը». Տաթևիկ Հայրապետյան

ԱԺ նախկին պատգամավոր, ադրբեջանագետ Տաթևիկ Հայրապետյանի ֆեյսբուքյան գրառումը․ «Երեկ ՀՀ ԱԱԾ-ն հայտարարություն էր տարածել, որ Ադրբեջանին է փոխանցել ևս ութ տեղամատյան: Մինչ դա, նման ակնարկ արել էր ՀՀ ԱԳՆ նախարարը, չնայած, որ Փաշինյանը մի քանի անգամ ասել էր, որ ինչ ականապատ քարտեզ ունեն, փոխանցել են: Ինչևէ, ի պատասխան հայկական կողմի այս միակողմանի մարդասիրական քայլի՝ Ադրբեջանը ոչ միայն արհամարհական արձագանք է տվել, այլ նոր պահանջներ ներկայացրել: «Ադրբեջանի ԱԳՆ-ն մեղադրել է հայկական կողմին՝ նշելով, թե «Երևանի նպատակը մարդասիրական գործընթացին նպաստելը չէ, և այդ քայլը չի կարող դիտարկվել՝ որպես վստահության ամրապնդման միջոց: Ադրբեջանական կողմն ակնկալում է, որ Հայաստանը կներկայացնի բոլոր ականապատ տարածքների ճշգրիտ քարտեզները։ Հայաստանի կողմից պետք է հրատապ միջոցներ ձեռնարկվեն՝ վերջին 30 տարվա ընթացքում անհետացած մոտ 4000 ադրբեջանցիների ճակատագրի, ինչպես նաև ադրբեջանցիների զանգվածային գերեզմանների մասին տեղեկատվություն տրամադրելու ուղղությամբ»,- հայտարարել է Ադրբեջանի ԱԳՆ-ն։
Սա ևս մի դրվագ է, որ ՀՀ ներկայիս իշխանությունների որդեգրած անվերջ ու միակողմանի զիջումները, Ալիևին հաճոյանալու ու պահանջները հերթով–կարգով կատարելու մղումները միայն խնդիրներ են բերելու մեր պետության համար, միայն նոր պահանջների հիմք են դառնալու:
Հերիք է հակառակորդին մոտ այսքան արժեզրկեք մեզ, մեր երկիրը, մեր պայքարը, դրանով բացի վնաս տալուց, ուրիշ հարց չեք լուծելու: Իսկ պատճառած վնասները դուք չեք կրելու այլ մենք, մեր երեխաները ու ապագա սերունդները:
Հիմա էլ դրած Սահմանադրության փոփոխություն եք քննարկում Ադրբեջանի պահանջով՝ չհասկանալով, որ նման քայլի գնալով փաստացի օգնում եք Ադրբեջանին երբևէ որևէ պայմանագիր չկնքել Հայաստանի հետ, երբևէ չճանաչել ՀՀ տարածքային ամբողջությունը, այսինքն՝ միակողմանի պայմանագիր եք կնքում՝ դուք իրենց զիջում եք, իրենք մեզանից նոր բաներ պահանջում, այս անգամ արդեն՝ թիրախավորել Հայաստանի Հանրապետության տարածքը»: