Հայաստանի և Վրաստանի միջև ռազմավարական գործընկերություն հաստատելու մասին համատեղ հռչակագիր է ստորագրվել

«Վրաստանի կառավարության հետ ստորագրել ենք Հայաստանի և Վրաստանի միջև ռազմավարական գործընկերություն հաստատելու մասին համատեղ հռչակագիր: Սա վերջին մեր մի քանի տարիների համատեղ աշխատանքի արդյունք է: Այս նվաճումը ևս մեկ անգամ ընդգծում է մեր ջանքերը բազմապատկելու, ձեռք բերվածով չսահմանափակվելու միտումը»,- Վրաստանի վարչապետ Իրակլի Ղարիբաշվիլու հետ համատեղ ասուլիսի ընթացքում ընդգծել է վարչապետ Փաշինյանը: