«Երեքը միասին աշխատում են հայ ժողովրդի դեմ»․ Աննա Մկրտչյան

ԱԺ «Պատիվ ունեմ» խմբակցության պատգամավոր Աննա Մկրտչյանը, 168TV-ի եթերում անդրադառնալով նոր Սահմանադրության անհրաժեշտության մասին՝ Փաշինյանի հայտարարությանը, ասել է, որ վերջինը վարում է հակահայ քաղաքականություն․ «Սահմանադրության փոփոխություն, զինանշանի փոփոխություն, Արարատը չէ՝ Արագածը, էս բոլորը Նիկոլ-Ալիև-Էրդողան միասնության դավադրություններն են՝ հայ ժողովրդի դեմ․ էս մարդիկ աշխատում են երեքը միասին։ Փաշինյանին պետք է բոլոր էն կետերի փոփոխությունը, որը մեր Սահմանադրությունում անփոփոխելի է՝ ինքնություն, հայկական նպատակներ։ Այսինքն՝ մենք այլևս աշխարհին չպետք է ներկայանանք որպես Հայոց ցեղասպանության պահանջատեր պետություն, չպիտի ներկայանանք հայոց պատմության կրողն ու շարունակողը հանդիսացող պետություն, չպիտի ունենանք հայկական հավատք, կրոն, չպիտի ունենանք մտայնություն, որ ունեցել ենք պատմական հաղթանակներ, որ անգամ ամենածանր ժամանակահատվածում կարողացել ենք ստեղծել հայկական երկու պետություն»,- ասել է պատգամավորը։