«Որ կանգնում եք Վազգենի գերեզմանի առաջ, ի՞նչ եք մտածում». Էդգար Ղազարյան

Ինչպես հայտնել էինք, Հայոց բանակի օրվա առթիվ վարչապետը, ՀՀ նախագահն ու ԱԺ նախագահը այցելել էին «Եռաբլուր» զինվորական պանթեոն: Խոսելով այդ մասին՝ «Հայելի» ակումբում ասուլիսի ժամանակ հասարակական, քաղաքական գործիչ Էդգար Ղազարյանը հայտարարել է. «Նիկոլ Փաշինյա՛ն, Վահագն Խաչատուրյա՛ն, Ալեն Սիմոնյա՛ն, որ կանգնում եք Վազգեն Սարգսյանի գերեզմանի առաջ, ի՞նչ եք մտածում, որ Վազգենի գերեզմանին ծաղիկ եք դնում, ինչի՞ համար եք դա անում, ի՞նչ եք ասում Վազգեն Սարգսյանին»: Անդրադառնալով «Եռաբլուր» պանթեոն այցելած ԵԿՄ վարչության նախագահ Սասուն Միքայելյանին՝ բանախոսն ընդգծել է. «Վազգենի գերեզմանին ծաղիկ դնելուց չի վախենո՞ւմ. շուտ-ուշ դրանք պիտի հայտնվեն, չէ՞, Վազգենի մոտ: Գնացել, իրա սխրանքները տվել ես թուրքին, մի հատ էլ հոխորտո՞ւմ ես»: