«Ըստ իսրայելցի փորձագետների` Թուրքիայի տնտեսությունը փլուզման եզրին է». Արմեն Պետրոսյան

Տարածաշրջանային հարցերով փորձագետ Արմեն Պետրոսյանի ֆեյսբուքյան գրառումը. «Ըստ իսրայելական ԶԼՄ-ների և փորձագիտական գնահատականների՝ Թուրքիայի իշխանությունների հակաիսրայելական կտրուկ հռետորաբանությունը (հատկապես պաղեստինցիների ցեղասպանության մեջ մեղադրանքները) պայմանավորված են ոչ այնքան Գազայում ընթացող պատերազմով, որքան Թուրքիայի ներքին զարգացումներով։ Մասնավորապես, նշվում է, որ Էրդողանի վարչակարգը ցանկանում է շեղել սեփական հասարակության ուշադրությունը տնտեսական լրջագույն խնդիրներից։ Ընդգծվում է, որ Թուրքիայի տնտեսությունը փլուզման եզրին է, ԿԲ-ն վերաֆինանսավորման տոկոսադրույքն անցյալ շաբաթվա վերջին բարձրացրել է մինչև աննախադեպ 45%։ Իսկ ՆԱՏՕ-ին Շվեդիայի անդամակցության հարցում Անկարայի դիրքորոշման փոփոխությունը պայմանավորված է ոչ այնքան F-16-երի գործարքով, որքան ամերիկյան տնտեսական պատժամիջոցների հեռանկարից խուսափելու դրդապատճառով...»: