«Սրանք ալարում են իրենց խոսքերը ստուգել». Բորիս Մուրազի

Լրագրող Բորիս Մուրազին լուսանկարներ է տարածել իր էջում՝ կից գրառմամբ. «Յախք արա, յախք: Սրանք ալարում են իրենց խոսքերը ստուգել»:

Հիշեցնենք՝ «ԼուրջCast» հաղորդման եթերում ՀԱԿ փոխնախագահ Լևոն Զուրաբյանն անդրադարձել էր 2018-ի իրադարձություններին և ուշագրավ դրվագ հիշել. «2018-ի ապրիլի 23-ին, երբ Սերժ Սարգսյանը հրաժարական տվեց, ազգը ցնծում էր: Դե մենք էլ հավաքվեցինք այդ ցնծության մթնոլորտում, ի վերջո, քանի՜ տարի պայքարել էինք նրա հրաժարականի համար: Էդ ազատագրման զգացումի համար կոնյակ խմեցինք, հետո գնացինք Առաջին նախագահի մոտ ու տեսանք՝ շատ լուրջ նստած է, ասացինք՝ ժողովուրդը ցնծում է, ինչո՞ւ եք դուք էս տրամադրության մեջ: Ինքն ասաց մի նախադասություն, որն իմ հիշողությունից դուրս չի գալիս, ասաց՝ լսե՛ք, դուք չեք հասկանո՞ւմ, էսօր ես ամենադժբախտ մարդն եմ ՀՀ-ում, որովհետև իշխանության է գալիս մի մարդ, որը կործանելու է և՛ Հայաստանը, և՛ Արցախը»: Զուրաբյանի խոսքով՝ Տեր-Պետրոսյանի կանխատեսման կարողությունը բավականին հզոր էր: