«Պետք է իմանալ՝ որքանով է դա անվտանգ». Զախարովան՝ Երևան-ՆԱՏՕ մերձեցման մասին

Եթե ինչ-որ մեկը մերձեցում է ուզում, ապա պետք է իմանա՝ ինչ հետևանքներ դա կունենա: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինայի հայտարարությունն այն մասին, որ ՆԱՏՕ-ն ողջունում է դաշինքի հետ մերձեցման Երևանի ձգտումը:

«Եթե ինչ-որ մեկը մերձեցում է ուզում, ապա պետք է իմանա՝ որքանով է դա անվտանգ և ինչ հետևանքներ կունենա: Մենք տեսել ենք, թե ինչ հետևանքներ է ունեցել ՆԱՏՕ-ի մերձեցումը երկրների հետ՝ ներգրավվածություն կոնֆլիկտներին, ինքնիշխանության և անկախության կորուստ, ուրիշի կամքին ենթարկեցում և, ամենակարևորը, սեփական ազգային հետաքրքրություններն իրականացնելու հնարավորության բացակայություն: Պետք է հասկանալ, թե որոնք են այս դեպքում կոնկրետ Հայաստանի ազգային հետաքրքրությունները: Պետք է բացել քարտեզը, տեսնել, թե ովքեր են այդ երկրի հարևանները, պետք է կարդալ պատմության գրքերը: Պետք չէ հիմնվել միայն խոստումների վրա: Արևմուտքում խոստումներ են տալիս բոլորին, սակայն դրանց ո՞ր մասն է կատարվել»,- ասել է Զախարովան: