Թուրքական բանկերը սկսել են փակել ռուսական ընկերությունների հաշիվները

Թուրքական բանկերն սկսել են փակել ռուսական ընկերությունների հաշիվները՝ պատժամիջոցների ռիսկի պատճառով, հաղորդում է Ведомости-ն՝ հղում անելով ֆինանսական խորհրդատուներին, գործարար միավորումների ներկայացուցիչներին և գործարարներին, որոնք առևտուր են անում Թուրքիայի հետ:

Ռուսական ընկերությունների հաշիվները փակվել են նաև 2022 թվականին: Այժմ տարբերությունն այն է, որ սահմանափակումները խստացել են:

Սահմանափակումների խստացումը նկատվել է, երբ հրապարակվել է ԱՄՆ նախագահ Ջո Բայդենի՝ 2023 թվականի դեկտեմբերի 22-ի հրամանագիրը, որով ԱՄՆ-ի ֆինանսների նախարարությանը թույլ է տրվում միջոցներ ձեռնարկել օտարերկրյա բանկերի դեմ, որոնք օգնում են գործարքներ իրականացնել ՌԴ ներկայացուցիչների հետ, որոնք գտնվում են պատժամիջոցային ցուցակում, կամ նյութեր և սարքավորումներ են մատակարարում Ռուսաստանի ռազմարդյունաբերական համալիրին: