«Ժամանակը ցույց տվեց, թե ով ինչ արեց Արցախի համար և ով այն վաճառեց»․ Վարդան Հարությունյան

Քաղաքացիական ակտիվիստ Վարդան Հարությունյանի գրառումը. «26 տարի առաջ Լևոն Տեր-Պետրոսյանը հրաժարական տվեց։ 1998-ի փետրվարի 3-ին պետական հեղաշրջումը հաղթեց։ Հակառակորդները պնդում էին, որ Տեր-Պետրոսյանը ծախում է Ղարաբաղը, սակայն իշխանության գալուց հետո նրանք շարունակեցին բանակցել ավելի վատ պայմաններով փոխզիջումների շուրջ։ 1998-ին Ղարաբաղի հարցի արծարծումը հեղաշրջողների կողմից զուտ պատրվակ էր, իրականում նրանց պետք էր զուտ իշխանություն հարստանալու համար։ 10 տարի Ռոբերտ Քոչարյանը ղեկավարեց, նա դարձավ միլիոնատեր, բանակում ոչ մի էական փոփոխություն չարեց, բայց ինքը դարձան միլիոնատեր, հետո 10 տարի ղեկավարեց Սերժիկ Սարգսյանը, որը ևս դարձավ միլիոնատեր, սակայն Ղարաբաղի հարցը թողեց չլուծված նաև 2016-ի քառօրյա պատերազմի ժամանակ կորցրեց 800 ՀԱ տարածք 100-ավոր զոհերի գնով։ 20 տարի նրանք քարոզում էին ոչ մի թիզ հող չզիջելու մասին, բայց բանակցում էին զիջումների շուրջ։ Հետո եկավ Նիկոլը և վարեց Ռոբերտ+Սերժ+ՀՅԴ միասին և նրանց 20-ամյա քարոզչությամբ ձևավորած հասարակության ցանկությամբ՝ սուպեռ ոչ մի թիզական քաղաքականություն։ Արդյունքում նա 6 տարվա մեջ կորցրեց ամբողջ Ղարաբաղը, Հայաստանի տարածքների մի մասը, հիմա էլ պատրաստվում է ոչնչացնել ՀՀ պետական խորհրդանիշները՝ հիմն, դրոշ, զինանշան, Սահմանադրություն և այլն։
Այս տարիների ընթացքում Տեր-Պետրոսյանը զգուշացնում էր վտանգների մասին, բայց պետական պռոպագանդան չէր թողում, որ նա լսելի լինի և կեղծիքներով՝ հաղթած նախագահին ներկայացնում էին՝ հողատու, թրքամեդ, քիրվայություն անող, հողերը ծախող։
Ցավոք սրտի ժամանակը ցույց տվեց, թե ով ինչ արեց Արցախի համար և ով (ովքեր) այն վաճառեց (ին)»։