«Ոնց որ Երևանից ասի՝ հարձակվի, գրավի էլի էդ միջանցքը»․ Հրանտ Բագրատյան

229

Ուրբաթ, 16 փետրվարի, 2024 թ., 13:30

«Իհարկե, Ադրբեջանն ագրեսիվ պահվածք ունի, բայց այնպիսի տպավորություն կա, ոնց որ Երևանից Փաշինյանն ասի՝ է՛լ ավելի ագրեսիվ պահի քեզ, ինչի՞ չես ուզում հարձակվել, հարձակվի, գրավի էլի էդ միջանցքը»,- «Միասին» շարժման հրավիրած ասուլիսի ժամանակ հայտարարել է նախկին վարչապետ Հրանտ Բագրատյանը՝ հավելելով, որ միայն Փաշինյանի հեռացումն իրավիճակ կփոխի։

Հիշեցնենք՝ փետրվարին 20-ին շարժումը հանրահավաք է հրավիրել՝ վարչապետի հրաժարականի պահանջով։

«Սա ինչ-որ ձևով ապավինելու է Արևմուտքին, բայց վերջինն ասում է՝ ինձ չապավինես, ոչինչ անող չեմ։ Տպավորություն ունեմ, որ Հայաստանն աշխարհքաղաքական երկու ընտրություն ունի, երկուսն էլ վատն են․ մեկի դեպքում ունենք երկու թշնամի՝ Ադրբեջան, Թուրքիա, դժբախտաբար Փաշինյանն ընտրում է երկրորդ տարբերակը, որտեղ իր թշնամիներն է ուզում դարձնի Ադրբեջանին, Թուրքիային, գումարած՝ ՌԴ-ին։ Նման անհեթեթությունը պետք է կանգնեցնել»,- շարունակել է Բագրատյանը։