«Եկեք ուղղակի ձերբազատվենք մեր քիթն այլոց վառոդի կաթսաները մտցնելու մոլուցքից». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Քանի որ Ալեքսեյ Նավալնու մահը Հայաստանում ևս բավականին քննարկվեց, ընդ որում՝ երկու ճամբարների տրամաբանության մեջ, այսպես ասած՝ «ողբ և քեֆ» ձևաչափով, հարկ եմ համարում հայտնել իմ կարծիքը՝ Ալեքսեյ Նավալնու մահը Հայաստանում բացի մարդկային հասարակ կարեկցանքից այլ՝ քաղաքական երանգավորում չպիտի ունենա, ընդ որում՝ ո'չ ուրախանալ ու չարախնդալ, և ո'չ էլ Պուտին անիծել ու կոկորդիլոսի արցունքներ թափել (մենք ողբալու ներազգային շա՜տ ավելի պատճառներ ունենք):
Ի վերջո, հարյուր տարի առաջ կրկին նույն հարացույցն էր՝ Լենի՞ն, թե՞ Դենիկին։ Ու ինչպես միշտ՝ նույն սխալները...
Եկեք ուղղակի ձերբազատվենք մեր քիթն այլոց վառոդի կաթսաները մտցնելու մոլուցքից, առավել ևս, երբ իրականում շատ բան չենք հասկանում։
Մեր խնդիրները լուծելու փոխարեն բավ է մեր ուժերը ջլատենք այլ տեղերում, այլ անձերի հաղթանակի ու պարտության մեջ փրկություն փնտրենք»։