«Արժե տարածել նաև մեկ տարի առաջ Շոլցի արտաբերած բառերը»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Գերմանիայի կանցլեր Շոլցի հետ Հայաստանի վարչապետ Փաշինյանի հանդիպման լուսանկարները տարածելուն զուգահեռ, արժե թերևս տարածել նաև մեկ տարի առաջ այս օրերին տեղի ունեցած նույն կազմով համատեղ ասուլիսում Շոլցի արտաբերած բառերը՝ «Անհրաժեշտ է հասնել խաղաղ հանգուցալուծման՝ Հայաստանի և Ադրբեջանի տարածքային ամբողջականության, ինչպես նաև Լեռնային Ղարաբաղի քաղաքացիների ինքնորոշման տեսանկյունից։ Ընդ որում, այս բոլոր սկզբունքները հավասարազոր են»։
Տարածել և հարցնել օրինակ Շոլցին, ի՞նչ արժեք ունեն նրա հայտարարությունները ընդհանրապես:
Ես հայ-գերմանական հարաբերության խորացման ջատագով եմ, բայց այն Գերմանիայի հետ հարաբերության, որի շահը ներկայացնում էր այդ շահը բարձրաձայնած փոխծովակալ, Գերմանիայի ռազմածովային ուժերի հրամանատար Շենբախը՝ Հնդկաստանի ռազմական բարձրաստիճան պաշտոնյաների հետ փակ քննարկման ընթացքում, ինչից հետո արեւմտյան գործընկերները Օլաֆ Շոլցին պարտադրեցին պաշտոնանկ անել փոխծովակալին: Պարտադրեցին պաշտոնանկ անել, որովհետև նա համարձակվել էր արտահայտել Գերմանիայի աշխարհաքաղաքական կենսունակության ռազմավարական շահը»։