«Դավաճա՞ն եմ, օտարերկրյա գործակա՞լ, որ երազում ա` էլ ինչ հող տա՞ որևէ մեկին». Փաշինյան

«Էս ամեն ինչն ինչի՞ համար եմ ես ասում և անում, նրա համար, որ ես դավաճա՞ն եմ, նրա համար, որ երազել եմ ամբողջ կյանքս... կամ օտարերկրյա գործակա՞լ եմ, որ երազում ա՝ էլ ինչ հող տա՞ որևէ մեկին: Մարդիկ կան, որ կարող են, իհարկե, տենց մտածել: Բայց ես սա անում եմ մի բանի պատճառով. հասկանում եմ, որ այն ճանապարհը, որի մի մասը նաև ես եմ վերցրել իմ վրա, եթե շարունակենք, այ էդ ժամանակ հայրենիքը կկորցնենք: Որովհետև, ի վերջո, պե՞տք է խոսել ճշմարտության լեզվով: Այն ռեժիմը, երբ մենք հավաքվում ենք ու սկսում ենք առանձին մոլորակ սարքել, ու մտածում ենք, որ մենք առանձին գլոբուսի վրա պետք է ապրենք և մեր գլոբուսից մեր ճշմարտությունները պարտադրենք աշխարհին, չի լինելու, նման բան չի լինելու»,- Մյունխենում հայ համայնքի ներկայացուցիչների հետ հանդիպման ժամանակ իր հասցեին հնչող մեղադրանքներին պատասխանեց Փաշինյանը: