«Հիվանդանոցի կեսը փակել են, որ բունկերի մի կատվի կոսմետիկ վիրահատություն անեն». Վոլոդյա Հովհաննիսյան

Պահեստազորի գնդապետ Վոլոդյա Հովհաննիսյանն այսօրվա ասուլիսի ժամանակ խոսել է «օդում կախված լուրերի» մասին. «Մեր առաջնակարգ ԲԿ-ներից մեկում միջազգային մակարդակի պլաստիկ վիրահատություն կատարող 5 բժիշկներ են հրավիրվել՝ էլիտայի անդամներից մեկի կնոջ թանկարժեք վիրահատության համար: Կոռուպցիան ինչպիսի՜ մակարդակի է հասել, որ հիվանդանոցի կեսը փակում են, որպեսզի մեկը, մի բունկերի կատու, կոսմետիկ վիրահատության ենթարկի իրեն: Քանի որ գոյություն ունի բժշկական գաղտնիք տերմինը, չեմ ասի՝ ո՞վ, ո՞նց»,- ասել է Հովհաննիսյանը: