Ուրբաթ, 12 ապրիլի, 2024 թ.
|
Ստեփանակերտում`   +14 °C

Արցախի նախագահը ճակատագրական որոշումն ուղարկել է Փաշինյանին. «Ժողովուրդ»

Արցախի նախագահը ճակատագրական որոշումն ուղարկել է Փաշինյանին. «Ժողովուրդ»
293
Ուրբաթ, 23 փետրվարի, 2024 թ., 09:06

Արցախի նախագահ Սամվել Շահրամանյանի և նրա շրջապատի նկատմամբ սկսված իշխանական արշավն իր արմատներն ունի: «Ժողովուրդ» օրաթերթն իր աղբյուրներից պարզել է, որ 2023 թվականի աշխատանքային վերջին օրերին Սամվել Շահրամանյանը Նիկոլ Փաշինյանին է ուղարկել Արցախի Հանրապետության լուծարման փաստաթուղթը չեղարկելու որոշումը՝ այդպիսով հայտարարելով, որ Արցախի Հանրապետությունը դե յուրե գոյություն ունի: Լուրի հավաստիությունը ճշտելու համար փորձեցինք կապ հաստատել նաև վարչապետի մամուլի քարտուղար Նազելի Բաղդասարյանի հետ, սակայն վերջինս Նիկոլ Փաշինյանի հետ Փարիզ գործուղումների էր, զանգերին չպատասխանեց:
Բնականաբար, Սամվել Շահրամանյանի կայացրած որոշումը և դրա ուղարկելու քայլը վրդովեցրել է Նիկոլ Փաշինյանին և նրա արցախատյաց թիմակիցներին: Նրանք համարում են, որ Արցախը Ադրբեջանի մաս ճանաչելով և հանձնելով՝ կարող են փրկել Հայաստանի Հանրապետության 29.800 քառակուսի կիլոմետր տարածքը, սակայն դա էլ չի հաջողվում: Ավելին՝ Ադրբեջանի նախագահ Իլհամ Ալիևը շարունակում է տարածքային նոր պահանջներ ներկայացնել Հայաստանի նկատմամբ՝ 8 գյուղեր, անկլավային այլ տարածքներ, ինչպես նաեւ 2021թ-ից օկուպացված է պահում Սյունիքի ու Գեղարքունիքի հատվածներից Հայաստանի մոտ 127 քառակուսի կիլոմետր տարածք: Այսինքն՝ Արցախը զոհաբերելով՝ Հայաստանը ոչինչ չի շահել, այլ կորցրել է:

Ապագայում սպասվելիք դժվարությունները, հարձակումներն ու ագրեսիաները որևէ կողմի վրա բարդելու համար (որևէ կերպ չի դիտարկվում Ադրբեջանը) Նիկոլ Փաշինյանը նոր մեղավորներ է փնտրում և, ահա, գտել է. Արցախի ղեկավարությունն է Հայաստանում: Հրահանգված է Արցախի նախագահի շուրջ հնարավորինս սեղմել օղակը, և առաջիկայում տարբեր թիրախավորումների ականատես կլինենք»։

Մանրամասները՝ թերթի համարում: