«Էս գծից էն կողմ, ինչ որ կա, մերը չէ, էս գծից էս կողմ, ինչ որ կա, մերն է». Փաշինյան

Գնահատելով Հայաստանի շուրջ ստեղծված անվտանգային իրավիճակը՝ ընթացող ասուլիսի ժամանակ վարչապետ Փաշինյանն ասել է. «Էն, ինչ կասեմ, նորություն չի լինի: ՀՀ շուրջ, ինչպես նաև մեր տարածաշրջանում, անվտանգային իրավիճակը շարունակում է մնալ լարված: Շատ կարևոր է, թե մենք ինչպես ենք վերաբերվում այդ իրավիճակին: Կարծում եմ՝ իրավիճակին պետք է վերաբերվենք որպես մի հարց, որի կառավարման պատասխանատվությունը մերն է՝ առաջին հերթին ՀՀ կառավարությանը: Երբ ասում ենք՝ ՀՀ անվտանգության ապահովման գործում պետք է շեշտը դնել լեգիտիմության վրա, նկատի ունենք սա՝ ՀՀ տարածքը, ու էս սահմանագծից դուրս մենք ոչ մի հավակնություն չպիտի ունենանք: Էս սահմանագծից դուրս ցանկացած հավակնություն օգտագործվելու է որպես մեր խոցելի տեղ: Ասում ենք՝ էս գծից էն կողմ, ինչ որ կա, մերը չէ, էս գծից էս կողմ, ինչ որ կա, մերն է: Մեր անվտանգությունը պատրաստվում ենք ապահովել այս տրամաբանությամբ»,- նշել է վարչապետը: