«Խնդիրները պետք էր լուծել ՀԱՊԿ-ում ակտիվությամբ, այլ ոչ թե հակառակը»․ Արմեն Ռուստամյան

ԱԺ արտաքին հարաբերությունների հանձնաժողովի նիստում «Հայաստան» խմբակցության պատգամավոր Արմեն Ռուստամյանը հարց ուղղեց ԱԳ նախարար Արարատ Միրզոյանին․ «Որքանո՞վ է կառավարության գործունեությունը համապատասխանում հնգամյա հաստատված ծրագրին, օրինակ ՀԱՊԿ-ի վերաբերյալ ծրագրում գրված է, որ ՀՀ կառավարությունը շարունակելու է ակտիվորեն ներգրավված լինել ՀԱՊԿ-ի աշխատանքներում, ԱԳՆ կատարողականում գրված է ճիշտ հակառակը՝ գործնականում կառավարությունը սառեցրել է իր ակտիվությունը ՀԱՊԿ-ում»։
Ի պատասխան՝ Միրզոյանն ասաց․ «Տեղի են ունեցել իրադարձություններ, որոնց ազդեցությամբ, չնայած մեր ջանքերի, առանձին բաներ կատարելը դարձել է անհնար։ ՀՀ- ի վրա տեղի է ունեցել հարձակում, խախտվել են ՀՀ սահմանները և ՀԱՊԿ-ը իր պարտավորություններին համարժեք, համահունչ չի արձագանքել։ Տեղի չի ունեցել անգամ հրապարակային փաստի ընդունում, որ ոտնահարվել են ՀՀ ինքիշխան տարածքները... Դուք ո՞ւմ կողմից եք, ՀԱՊԿ-ի, որը չի ուզում՝ ասի, որ ՀՀ սահմանները ոտնահարվել են, թե՞ Հայաստանի, որը, մեղմ ասած, չունի բավարարվածության զգացում, որ ՀԱՊԿ-ը չի ճանաչում այդ փաստը»։
Արմեն Ռուստամյանը պատասխանեց, որ նա ԱԺ-ի կողմից է և խորհրդարանական երկրում երբ ծրագիր է ընդունվում, ապա կառավարությունը պետք է այն իրականացնի, իսկ խնդիրները պետք էր լուծել ՀԱՊԿ-ում ակտիվությամբ, այլ ոչ թե հակառակը»,- արձագանքեց Ռուստամյանը։