«Գործ ունենք թշնամու հետ համագործակցող դրածո վարչակարգի հետ». Էդգար Էլբակյան

Քաղաքագետ Էդգար Էլբակյանի ֆեյսբուքյան գրառումը.

«Երբ մարդուն ստիպում են կատարել իր հանդեպ բռնացողի կամքը՝ սպառնալով հակառակ դեպքում սպանել («եթե ձեր տները չհանձնենք, պատերազմ կլինի») ու մատնանշելով, որ փրկության տարբերակ չկա («պատերազմի արդյունքը պարզ ա») նշանակում է, որ այն մարդը, ում հետ խոսում են, դրված է ստրկական կացության մեջ։
ՀՀ դե-ֆակտո իշխանությունները թուրքերի ձեռքին հարմար գործիք են այդ ստրկական շղթաներն ավելի «փափուկ» կերպով Հայաստանի ու հայության ձեռքերին փաթաթելու համար։
Եթե պետական իշխանությունը հրաժարվում է պատերազմից՝ որպես երկրի շահերը պաշտպանելու գործիք, ավելին՝ թշնամու պատերազմական սպառնալիքները երկրի ներսում մատուցում է որպես հիմնավոր փաստարկ, նշանակում է՝ գործ ունենք, ոչ թե լեգիտիմ իշխանությունների, այլ թշնամու հետ համագործակցող դրածո կոլաբորացիոնիստական վարչակարգի հետ։
Իսկ ստրուկին ցանկացած գնով ազատագրելն արդարացված է, անգամ եթե վերջինս արդեն համակերպվել է իր շղթաների հետ և չունի ինքնազատագրման մղում…»: