«Լուկօյլ»-ը բենզին կներկրի

«Լուկօյլ» ընկերությունը կանգնած է գազալցակայանների սեփական ցանցը բենզինով մատակարարելու խնդրի առաջ և փնտրում է Բելառուսից բենզին մատակարարելու հնարավորություն։ Այս մասին հայտնում են ռուսական լրատվամիջոցները՝ հղում կատարելով իրենց աղբյուրներին։ Խոսքն ամսական 30-50 հազար տոննա ծավալների մասին է։ «Լուկօյլ»-ի նավթավերամշակման գործարաններում (Նիժնի Նովգորոդ և Վոլգոգրադ) մի շարք միջադեպերից հետո ընկերությունը հզորության պակաս է զգում: Բելառուսից վառելիքի մատակարարման տևողությունը կախված կլինի Նիժնի Նովգորոդի նավթավերամշակման գործարանի վերանորոգման ժամկետներից, ինչպես նաև ռուսական վառելիքի շուկայում ընդհանուր իրավիճակից»,- պարզաբանում է «Նեֆտեգազոխիմիան»:

Ավելի վաղ, հեռուստաալիքի տվյալներով, Նիժնի Նովգորոդի նավթավերամշակման գործարանում տեղի ունեցած վթարից և Վոլգոգրադի նավթավերամշակման գործարանի վրա հարձակումից հետո Lukoil-ն արդեն գնահատել էր 700-800 հազար տոննա բենզինի պակաս մինչև 2024 թվականի վերջը։

Միաժամանակ, մասնագետների կարծիքով, խնդիրը կսրվի, եթե Կստովոյի նավթավերամշակման գործարանի կատալիտիկ կրեկինգի ագրեգատի վերանորոգումը հետաձգվի։ Ընկերությունը դիտարկել է այս խնդրի լուծման մի քանի տարբերակ, այդ թվում՝ երրորդ կողմի ընկերությունների նավթավերամշակման գործարաններից «Լուկօյլ» գազալցակայաններին բենզին մատակարարելը։