Թուրքիան կկրճատի F-16-ի գնումները՝ հօգուտ սեփական կործանիչի

12167

Շաբաթ, 30 մարտի, 2024 թ., 18:48

Թուրքիայի իշխանություններն ստիպված կլինեն կրճատել F-16-երի գնումների ծավալը՝ սեփական արտադրության KAAN կործանիչի հաջող մշակման պատճառով։ Այս մասին տեղեկություն է հրապարակել թուրքական Milliyet-ը։

Պորտալի տվյալներով՝ հանրապետական իշխանությունները շարունակում են դիտարկել ԱՄՆ-ի առաջարկը՝ F-16 Block-70-ի նոր խմբաքանակ գնելու և գործող կործանիչների թարմացման վերաբերյալ։

Նշվում է, որ հանրապետության պաշտպանության նախարարությունն արդեն հաստատել է գնումների կրճատումը։

Ընդգծվում է նաև, որ Թուրքիան համաձայն չէ F-35-ի ձեռքբերման գործարքի պայմաններին, որոնք տրամադրվել են հանրապետության կողմից S-400 ՀՕՊ համակարգեր գնելուց հետո։

Նախկինում հստակեցվել էր, որ KAAN ինքնաթիռն իրականացրել է իր առաջին փորձնական թռիչքը, իսկ ապագայում Թուրքիան նախատեսում է ընդգրկվել հինգերորդ սերնդի կործանիչներ արտադրողների ցանկում։

Այժմ այս շարքը ներառում է Ռուսաստանը, ԱՄՆ-ն և Չինաստանը։