«Ու դեռ Հիսուսի մասին է խոսում». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը ֆեյսբուքյան իր էջում գրել է. «Հանձնվե՞լ, թե՞ չհանձնվել, այս է խնդիրը, ո՞րն է հոգեպես առավել ազնիվը, Նիկոլ Փաշինյանի երկընտրանքը, ավաղ, լուծվել է՝ հանձնվե՞լ, թե՞ հանձնել հակադրությամբ, որից արդեն ընտրվել է Արցախը հանձնելու, Գորիս - Կապան - Ճակատեն միջպետական ճանապարհի 40 և ավելի կիլոմետրը, Շուռնուխ, Ներքին Հանդ, Սև լիճ, ձյունապատ սարեր, Գեղարքունիքի, Վայոց ձորի մարզերի ռազմավարական բարձունքներ․․․ հերթը Տավուշի գյուղերն են, Տիգրանաշենը, դեռ Հիսուսի մասին է խոսում, Հիսուսն ինքն է հանձնվել սև ուժերին, Գողգոթա բարձրացել՝ հանուն հանրային շահի, իսկ քայլող Փաշինյանն ամեն ինչ է հանձնում հանուն իր շահի և դեռ բեմադրում տվայտանքներ․ ժամանակն իր շառավղից իրոք դուրս է թռել, օ բախտ մեր դժխեմ․․․․»: