«Չեմ բացառում, որ Ադրբեջանն այս անգամ լայնամասշտաբ բախման գնա»․ Արմեն Ռուստամյան

«Ադրբեջանը երբեք կանգ չի առնում որևէ պահանջի վրա: Ժամանակին անկեղծության պոռթկման ժամանակ հենց Փաշինյանն է դա հաստատել՝ ասելով, որ մենք պատրաստ են զիջել, պարզապես չգիտենք՝ ինչքան զիջենք, որ իրենց բավարարենք»,- ԱԺ-ում լրագրողների հետ ճեպազրույցում ասել է «Հայաստան» խմբակցության պատգամավոր Արմեն Ռուստամյանը։ «Չեմ բացառում, որ Ադրբեջանն այս անգամ լայնամասշտաբ բախման գնա՝ խնդիրը միանգամից լուծելու նպատակով։ Լոկալ բախումներով միշտ հասել է լոկալ արդյունքների, բաց այս անգամ, կարծում եմ, նրանց նպատակներն ավելի գլոբալ են, և այդ գլոբալ խնդիրը լուծելու համար մենք պարարտ հող ենք ստեղծել՝ ասելով, որ այդ տարածքներն իրենց են»,- նշել է պատգամավորը։